Xildhibaano iyo wasiiro xalay lagu xirey Hotelka Chester House ee magaalada Nairobi oo saakay laga sii daayey

Qaar ka mid ah xildhibaanadda iyo wasiiradda dawladda ku meel gaarka ah ee soomaaliya oo xalay kor-ka lagaga xir-xiray hoteladdii ay degganaayeen ayaa saakay laga sii daayey hotelka Chester House ee ku yaalla magaaladda nairobi ee xarunta waddanka kenya

 

In ka badan 50 xildhibaanad oo ka tirsan dawladda ku meel gaarka ah ee soomaaliya oo xalay si kadis ah qolalkii ay degganaayeen kor looga xirxiray ayaa saakay waxaa ku guulaystay ciidanka booliiska ee kenya kadib markii qaar ka mid ah wasiiradda dawladda federalka ah ay ku wargaliyeen dawladda kenya in xildhibaanaddaasi ay xabsi ahaan ugu jiraan hotelka Chester House ee magaaladda nairobi

 

Mid ka mid ah xildhibaanadda dawladda federalka ku meel gaarka ah ayaa u sheeggay Teleefishinka Rochester Somali TV in ay hotelkaasi ay ka carareen qaar badan oo ka tirsan xildhibaanadda dawladda ku meel gaarka ah Iyadoo dhammaan xildhibaanadda iyo wasiiradda hotelkaasi degganaana la sheeggay in maalmaha soo socdo laga rari doonno hotellada ay degganyihiin

 

Xildhibaankaasi ayaa sidoo kale Telishisinka u sheeggay in arrinkani ay baryahan oo dhan ay ka taagnayd hotelkaasi Isagoo intaasi ku daray in aan milkiilihii hotelkaasi aan dhowr bilood la siinin lacagtii ay kiro ahaan ay ugu jireen

Si kastaba ha haatee ku dhawaad 20 xildhibaan ayaa saakay ka soo baqoolay Hotelkaasi islamarkaasna dib ugu soo laabtay meelo kale oo ka mid ah xaafadda ay soomaalidu degto ee Islii, Waxaanna soo baxaya warar sheeggaya in qaar kale oo ka tirsan labada gole ee xukuumadda ay ku xanibanyihiin hoteelo kale oo magaaladda ku yaalla

Danjiraja dowladda Kenya u qaabilsab arimaha Soomaliya Maxamed cabdi Afey iyo mas"uuliyiin kale ayaa haatan ku howlan sidii ragga xanibana loo sii dayn lahaa islamarkaasna meelo kale loogu rari lahaa.

Dhinaca kalena waxaa goor dhow soo gaarey magaalda Muqdisho wefdi ballaaran oo uu hoggaaminayo ra"isul wasaare Cali Mahamed Geeddi kuwaasi oo ku sii jeeda caasimadda soomaaliya ee Muqdisho,

Waa markii ugu horraysay tan iyo markii ra"isul wasaare geedi loo magacaabay Wasiirka ugu sareeya golaha xukuumadda oo tagga magaala madaxda soomaaliya ee Muqdisho.

Wixii war ah ee soo kordha la soco...

Mursal Quule  RSTV Nairobi.