| |
Madaxweynaha
Soomaaliya Cabdulaahi Yuusuf ayaa xalay khatka isgaarsiinta kula soo
xiriiray,Gudoomiyaha Baarlaamka Shariif Xasan,isagoo ugu hambalyeeyay
kulankii dhiira-gelinta ahaa ee ka dhacay Magaalada Neyrobi,kulankaas oo ay
ka soo qeyb-galeen,Xubnaha Mu,ayidka iyo Mucaaradka labada gole ee Dawlada.
Madaxweynaha ayaa kula taliyay,Gudoomiyaha in sida keliya ee khilaafaadka
lagu dhameyn-karo,inay tahay iyadoo loo hogaansamo sharciyada u degsan
Baarlamaanada Aduunka oo qoraya,in la raaco halka ay u bataan codadka
Xildhibaanada (Majoraty-Leads-Minoraty).
Gudoomiyaha Baarlamaanka,ayaa markii ugu horeysay ka dhawaajiyay,inuu
raacayo qaanuunka u degsan Baarlamaanka,isla markaana wuxuu balanqaaday in
sida oogu dhaqsiyaha badan inuu isku keeni doono,dhamaan Xubnaha
Baarlamaanka,Mu,ayid iyo Mucaaradba.
Warar si hoose loogu soo dusiyay,Warsidaha Idamaale,ayaa sheegaya,in
Gudoomiyuhu ka codsaday Madaxweynaha,in kulanka ugu horeeyo ee fadhiga
Baarlamaanka in lagu qabto,Magaalada Baydhabo,Madaxwenahana wuxuu ugu
jawaabay,xitaa hadii lagu qabanayo,Jasiirad Juwaay ee ku-taal Jubada
Hoose,inuu ka qeyb-galayo.
Dhinaca kale mid ka mid Xogheynta Madaxweynaha oo diiday in magaciisa la
xuso,oo aan khatka Teleefonka kula xiriirnay,ayaa noo xaqiijiyay,in uu jiro
Xiriir xaga isgaarsiinta ah ee dhexmaray,Madaxweynaha iyo Gudoomiyaha.
Sidoo kale Madaxweynaha ayaa khatka Teleefoonka Hambalyo ugu
diray,Maxamed dheere heshiiskii bilowga ahaa ee ay khatka Teleefoonka kuwada
xiriireen,Yuusuf indhacade.
Xeeldheerayaasha ku taqasusay hab-dhaqanka Gudoomiyaha Baarlamaanka,ayaa
aaminsan inay adag-tahay inuu keligiis go,aan qaadan-karo,isaga oo aan la
tashan Hogaamiyaasha hubeysan ee gacanta ku haya ee fadhigoodu
yahay,Magaalada Muqdisho.
Source
Godogado.
Idamaale News
|
|
