Maamulka Maxamed Dheere oo xaruntii UNICEF ee Jowhar Dib Ugu Wareejiyey
Wada Hadal Kadib

Sida lagu sheegay war goor dhaw laga soo saaray Magaalada Nairobi Xafiiska UNDP ayaa Guddoomiyaha Guddiga Siyaasadda shabeelaha dhexe. Maxamed Cumar Xabeeb (M Dheere) ayaa saaka waxaa uu xaruntii UNICEF ee Jowhar ku wareejiyay Qaramada Midoobay.

Mid ka mid ah Shaqaalaha Unicef oo dhalashadiisu tahay Soomaaliya ayaa lagu wareejiyay Fureyaasha xarunta UNICEF ee Magaalada Jowhar oo Labo Maalin ka hor ay la wareegen maleeshiyo Daacad u ah Maxamed Cumar Xabeeb (M.Dheere) oo ah Guddoomiyaha Guddiga Siyaasadda shabeelaha dhexe.

Qaramada Midoobay warka ay maanta ka soo saartay Magaalada Nairobi ayaa waxay ku sheegtay inay ka fiirsan doonto howsha samafal ee ay ka wado magaalada Jowhar oo xarun u ah qeyb ka mid ah dowladda Federaalka Soomaaliya.

Dhawaan ayaa shaqaalaha Caalamiga ee Qaramada Midoobay laga saaray magaalada Jowhar,iyadoo 6-ka mid ah la geeyay Magaalada Waajid, halka 7 kalena la geeyay magaalada Nairobi ee dalka Kenya.

Maxamed Dheere ayaa la sheegay inuu si niyad sami ku jirto ugu wareejiyay xarunta UNICEF ee Jowhar Wakiil ka socday hay’adaas, taas oo lagu soo afjaray khilaafkii u dhaxeeyay Maamulka iyo qaramada Midoobay.

Muxyadiin Cali jimcaalle jakuula
Muqdisho Somaliya