Warar hoose oo sheegaya in Ruushku uu si caddaan ah u diley Burcaddii Soomaalida.

Warar aan aad loo hubin oo si hooe uga soo fakadey saraakiil Ruush ah ayaa sheegaya in Ciidamada Commandooska ee dalkaasi oo todobaadkii hore weerar ku qaadey Markab ay haysteen Burcad badeed Soomaali ah la diley isla markii la qabtey.

Wasaaradda Gaashaandhiga Ruushka ayaa markii hore waxay sheegeen inay qabteen burcaddii Soomaalida ahayd isla markaasina ay ka badbaadiyeen markabkii ay haysteen isla mar ahaantaasina ay doonayaan inay maxkamad ku saaraan dalka Ruushka gudihiisa.

Warkaas markii uu soo baxay ayaa waxaa la is weydiinayey sharci ahaan sida Ruushku uu maxkamad u soo taagi karo burcaddaasi, shakigaasi oo jirey darteed warbaahintu waxay indhaha ku haysey keenista raggaasi Soomaalida ah iyo waliba halka lagu xiri doono.

Maalmo yar ka dib ayey Sarrkiil Ruushan ahi waxaa ay sheegeen in nimankii Soomalida ahaa ee laga sii daayey Markabkii Ruushka ay dhinteen ka dib markii la fasaxey loona sheegey inay ku laabtaan dhulka Soomaaliya, sheegashada dambe ee ah in la sii daayey ayaa waxay hor dhac u tahay shakiga ah in nimankaasi isla markii la qabteyba ay dileen si ula kacc ha u toogteen ciidankii falka fuliyey haddii ay run noqoto oo nimankaas Soomaalida ah la toogtey markii markabka laga qabteyba waxay taasi noqonaysaa fal aad looga naxo oo ah mid gef ku ah xuquuqda maxaabiista la qabto.

Waxaa wali socda baaxitaan ay wadaad kooxaha u dooda xuquuqda bani'aadanka kuwaasi oo ku raad jooga sidii wax u dhaceen.

RSTV NEWSROOM

Newsroom@rstvonline.net

13432093

© RSTV 2004-2009. All Rights Reserved