Madaxweynaha Soomaaliya Shariif Sh. Axmed oo la kulmey R/wasaaraha Ingriiska.

Madaxweynaha Soomaaliya Shariif Sheekh Axmed ayaa waxaa uu booqasho ku joogaa magaalada London ee waddanka Ingriiska waxaana uu halkaasi kula kulmey R/wasaaraha Dalkaasi Gordon Brown.

Madaxweyne Shariif ayaa marti qaad ka heley mudane Brown taasi oo fursad u siinaysa Madaxweynaha Soomaaliya inuu u gudbiyo dalka Britain baahida hortaala dowladda Soomaaliya ee ku saabsan sidii dalka Soomaaliya looga dhalin lahaa nabad waarta. Madaxweynaha ayaa la sheegey inuu dalka Ingriiska uga warbixiyey dhibaatooyinka amaanka ee haysta Dowladdiisa curdanka ah waxaana uu ka rajeynayaa in dalka ingiriisku gacan ka siiyo sidii wax looga qaban lahaa dib u dhiska dalka Soomaaliya.

Dad ku dhow waftiga Madaxweynaha ayaa laga soo xigtey in madaxda Dowladda Britain ay aad u danaynayaan inay gacan qabtaan dowladda Soomaaliya. sidoo kale ilo wareedyo ayaa tibaaxay in R/wasaare Brown uu la dhacsan yahay in dalkiisu ka caawiyo Soomaaliya dhinaca la dagaalanka kooxaha mucaaradka ee dagaalka kala horjeeda dowladda tabarta daran ee Soomaaliya.

 Waa markii ugu horeeysa ee Madaxweyne Soomaaliyeed uu hor fariisto R.wasaaraha dalka Ingiriska muddo ka badan 20 sano. waxaana tan ka horeysay markii uu madaxweynihii hore ee Soomaaliya Maxamed Siyaad NBarre uu magaalda London kula kulmey r/wasaarihii hopre ee Britain Margaret  Thatcher  sanadihii sideeyameeyadii.

Photo by AP

RSTV NEWSROOM

Newsroom@rstvonline.net

13432093

© RSTV 2004-2009. All Rights Reserved