Monday July 05, 2010
Wasiiro ka tirsan
Midowga Yurub ayaa booqan doona Marinka Qaza ee reer Falastiin.
Dhowr Wasiir Dibadeed oo ka mid ah dalalka ugu waaweyn
wadamada ku midoobey Yurub ayaa waxaa ay booqasho ku mari doonaan Marinka
Qasa.
Warka oo uu markii ugu horreysay ku dhawaaqey R/wasaaraha
Spain Luis Sabatero ayaa waxaa lagu sheegay in Wasiiradani ay indha inmdhayn
doonaan nolosha dadka ku nool Marinka Qasa oo ay maamulaan ururka Reer
galkbeedku u aqoonsan yihiin inuu yahay argagixiso ee Hamas.
Wasiiradan ayaa la sheegay inay ka mid yihiin wasiirada
Dibadda ee Talyaaniga Faransiiska iyo Spain waxaana waftigaas hogaamin
doona wasiirka arrimaha Dibadda Dalka Talyaaniga Franco Frattini oo isagu
mar horeba doonayay inuu booqdo Qasa.
Markii R/wasaaraha Spain uu ku dhawaaqayey booqashada
Wasiirada waxaa uu ka sheegay arrintaas shir Jaraa'id oo uu garbkiisa
fadhiyey Madaxweynaha Suuriya Bashar Al Asad, oo isagu booqanaya dalka
Spain.
Wasiirada ayaa la filayaa inay halkaasi booqdaan
todobaadka soo socda, waxaana la sheegay inay u kuur galayaan waxyaabaha
iska badalay fududeyntii ay Israa'iil fududeysay xayiraaddii saarnayd
marinka Qasa taasi oo Israa'il ay sheegtay inay fasaxeysao wax yaabaha
daruuriga u ah dadka halkaasi ku nool.
RSTV NEWSROOM
Newsroom@rstvonline.net
Dhabadii lasoo marey ninkaan raadkii dib u dheehan oon
dhaar ku marin meeriskii shiman inuu buuxsho dharag waa ka xaaraan
dhallaankiisu mahadshaa. Abwaan Xasan Sh. Mumin
13432093
© RSTV 2004-2009. All Rights Reserved |
