Uruka Alshabaab oo xayiraad ku soo rogey dhageysiga idaacadda BBC ee Soomaaliya.

Xarakada Alshabaab ayaa goor dhow mamnuucay dhageysiga Idaacada BBC-da ee Koofurta Soomaaliya, iyagoo maantana gudaha u galay Xarumo laga tabin jiray FM-ka BBC-da ee magaalooyinka Koofurta.

Sida ay sheegayaan wararka Shabaab ayaa rartay FM-ka BBC-da laga dhageysan jiray, Magaalooyinka Kismaayo, Marka, Baydhabo, Jowhar iyo deegaanad kale ee ay ka taliyaan.

War saxaafadeed ka soo baxay Shabaab ayaa lagu sheegay in dhamaan wixii FM ah ee ay ku laheyd BBC-da laga saarayo laga bilaabo hawada, waxaana lagu sheegay war saxaafadeedka in lagala wareegay dhamaan FM-da.

Shabaab ayaa ku eedeeyay BBC-da in ay dagaal ka dhan ah Shareecada Islaamka ay kula jirto Wilaayada Islaamka, waxaana lagu sheegay in ay u adeegeyso dalalka reer Galbeedka.

War saxaafadeedka ayaa lagu cadeeyay in BBC-da ay barobagaando ay u sameyso Dowladda KMG ah oo ay ku tilmaantay Dowladda Ridada waa sida lagu sheegay war saxaafadeedka.

Sidoo kale waxaa lagu wargeliyay Idaacadaha qandaraaska kula jira BBC-da ee sii daaya, in ay soo afjaraan qandaraaska ay kula jiraan BBC-da, iyadoo qandaraaska uu yahay mid Idaacadaha ay toos uga qaataan in FM-ka laga dhageysto.

Go’aankan ayaa la ogeyn waxa xilligan ku soo beegay, hase ahaatee waxaa uu yahay mid lagu cunaqabateynayo Warbaahinta xorta ah, iyadoo go’aankan uu si gaar ah u saameyn doono shacabka ku dhaqan Koofurta Soomaaliya oo si fudud u dhageysan jiray FM-ka BBC-da.

Idaacada BBC-da ayaa FM-keeda waxaa si toos Korontada u siin jirtay Shirkadaa Isgaarsiinta Telecom Somalia, iyadoo xarumaha ay Gobolada dalka ku leedahay ay dadka ka dhageysan jireen FM-ka.

Inkastoo Shabaab ay mamnuuceen in BBC-da laga dhageysto FM-ka ayaa hadana waxaa aanay joojin karin Mowjada SW oo laga dhageysan karo BBC-da, waxaana taas mararka qaar ay tahay mid raadinteeda ay dadka kala kulmaan dhibaato, mowjada SW oo ah mid aad u adag helideeda.

C/risaaq C/laahi

Source:Gedoonline

RSTV NEWSROOM

Newsroom@rstvonline.net

13432093

© RSTV 2004-2010. All Rights Reserved