Saado Cali Warsame oo dadka Soomalida ugu baaqdey inay adkeeyaan midnimadooda.

Fanaanadda Caanka ee Soomaaliyeed Saado Cali Warsame ayaa waxaa ay maalmahan warbaahinta si aad ah ugaga hadashey arrimo badan oo muhiim ah, waxaana ka mid ahaa waxyaabaha ay fanaanaddu ka hashay kala googaynta gobolada Soomaalida oo ay sheegtey inay tahay mid aan loo baahnayn isla markaana ay Itoobiya ka dambeyso.

Sidoo kale Saado Cali waxay sheegtey in dadka Soomaaliyeed ay u midoobaan sidii ay dowlad wanaagsan u dhisan lahaayeen iyadoo walibana shaaca ka qaadey in burburkii ku yimid dowladdii Soomaaliya ay ahayd nasiib darro waxaana loo baahnaa ayey tiri kaliya in la baddalo maamulkii markaas jirey oo loo arkayey in wax ka khaldameen.

Fannaanaddu waxaa ay sheegtey in waddaniyaddu ay tahay mid aan marnaba laga maarmin iyadoo tibaaxdey in dadka qarkiis ay doonayaan inay magacyo iyo calamo aan la garanaynin ay la yimaadeen Soomaaliya, waxaana ay sheegtay  in arimahaasi aaney dan u ahayn dadka Soomaaliyeed iyo xoogooda waana wax lagu kala dhantaalayo awooddii Soomaaliyeed.

Fanaanaddu waxay sheegtey in dagaalkii loo galey xornimadii dalka Soomaaliya la iska iloobey lagana doorbidey in la kala qoqobo dadka Soomaaliyeed ee walaalaha ah.

Saado Cali ayaa waxaa lagu xusuustaa heeso ay ka qaaday Somaaliya xiliyadii ay dowladdii Soomaaliya jirtey gaar ahaan maalmihii ugu danbeysay ee dowladdii markaasi jirtey, heesahaas ayaa la sheegey inay aad u kiciyeen dad badan oo dowladda ka horjeeday.

RSTV NEWSROOM

Newsroom@rstvonline.net

13432093

© RSTV 2004-2009. All Rights Reserved