Xaalada Nairobi oo caadi ku soo laabatay,iyo dadkii dibadbaxayey lagu arkay calanka ay adeegsadaan Urur diimeedka Al-SHABAAB


Hoggaamiyayaasha muslimiinta dalka Kenya ayaa xiligan la jooggo waxay wada hadalo albaabada laysku xiirday ay la leeyihiin wasiirka amniga qaranka ee dalka Kenya prof George saitoti oo ay kala xaajoonayaa sababta keentay in ciidamadda booliiska magaaladda Nairobi ay toogasho ku dilaan afar ka mid ah dad muslimiin ah oo shalay isku soo baxyo rabshado wata ka oogay afafka horre ee masaajidka way nee jamia xilli ay isku dayayeen in ay socod ku taggan wasaarada socdaalka dalka

Hogaamiyayaasha muslimiinta ayaa waxaa horkacayey xildhibaanka la magacaabay Sheikh Mahamed Dor ahna guddoomiyaha xildhibaanadda muslimiinta ee dawladda ku jira,waxaanna ku wehelinayey xubno ay ka mid yihiin,xildhibaanka laga soo doorto dujis Adan ducale,xildhibanada la soo magacaabay Safia abdi nur,xoghayaha guud ee ururka muslimiinta dalka Adan Wachu iyo saraakiil sar sare oo ka tirsan muslimiinta dalka kuna jira dawladda wadaaga ah ee dalka ka dhisan

Saraakiisha muslimiinta ayaa goor dhawayd sheeggay in duhurnimadda maanta aas-wadareed loo samayn doono afartii dhalinyarada ahayd ee shalay ku geeriyooday rabshadihii ay ku baaba”een malaayiin shilinka Kenya ah sida ay sheeggeen ciidamadda amaanka dalka
 

Ku dhowaad 15 qof ayaa ku dhawacmay markii ay isku dhaceen ciidamada booliiska magaalada Nairobi iyo dad muslimiin ah oo ku mudaharaadayay masjidka Jamia

Sarakiisha isbitaalka Qaran ee kenyatta ayaa xaqiinaya dhimashada afartasi qof iyo dhaawacba waxayna sheegayaan in dhamaantood dadka dhaawaca ah ay xabad ku dhacday.

Mudaharaadka ayaa ka bilowday wadaad Muslim ah oo u dhashay waddanka Jamaica oo la yiraahdo Abdalla Al Faysal oo dhawaanahan muran uu ka taagnaa markii dowladda Kenya oo booqasho uu ku yimid waddankeeda ay iska masaafurisay dalka Nigeria ay dib uga soo celisay waddankeeda.



 

RSTV NEWSROOM

Newsroom@rstvonline.net

13432093

© RSTV 2004-2009. All Rights Reserved