RSTV NEWS.Madaxweynaha KMG ah Soomaaliya oo ka dhoofey Galkacyo isagoo u sii jeeda Baydhabo.

Madaxweynaha KMG ah Soomaaliya oo ka dhoofey Galkacyo isagoo u sii jeeda Baydhabo.

Madaxwaynaha Soomaaliya C/laahi Yuusuf Axmed iyo wafdigii la socday ee dawladda federaalka ayaa maanta ka dhoofay garoonaka diyaaradaha magaalada Gaalkacyo.

Madaxda Puntland , maamulka gobolka iyo degmada ayaa madaxwaynaha kusii sagootiyay garoonka, wuxuuna madaxwaynuhu u socdaalay magaalada Baydhabo.

C/laahi Yuusuf iyo wafdigiisa ayaa 48ddii saac ee ugu danbeeyay kusugnaa magaalada Gaalkacyo, oo uu kula kulmay madaxda dawlad goboleedka Puntland .

Intii madaxwaynhu joogay waxay Puntland isla meel mariyeen heshiis horay Puntland iyo federaalku u gaareen oo ahaa in canshuuraha soo gala Puntland qayb kamid ah lasiiyo dawladda federaalka Soomaaliya, heshiiskaasina waxaa loo xilsaaray laba guddi oo katirsan wasaaradaha maaliyadda Puntland iyo Federaalka.

C/laahi Yuusuf intii oo joogay wuxuu kaloo la kulmay madaxda maamulka Galmudug State oo ay kawada hadleen arimaha mustaqbalka dalka , C/laahi Yuusuf wuxuu kaloo kulamo la yeeshay odayaasha , wax garadka iyo haweenka magaalada Gaalkacyo,

Maantana wuxuu haweenka kala qayb galay madaxwaynuhu xafladda 8dda Maarso ,halkaasi oo asaga iyo madaxwaynaha Puntland ay khudbado ka jeediyeen.

courtesy: Allpuntland.com

RSTV NEWSROOM

Newsroom@rstvonline.com