RSTV NEWS.Guddoomiyaha Baarlamaanka oo ugu baaqey xubnaha dibadda ku maqan inay ku soo laabtaan Baydhabo.

Guddoomiyaha Baarlamaanka oo ugu baaqey xubnaha dibadda ku maqan inay ku soo laabtaan Baydhabo.

Guddoomiyaha Baarlamaanka KMG ah Sheekh Aadan Maxamed Nuur ayaa maanta markii ugu horeysay ka hadlay xildhibaanada dalka ka maqan, gaar ahaan kuwoodii la socday Guddomiyihii hore ee xilka laga qaaday Shariif Xasan Sh. Aadan kuwaasoo ku sugan magaalada Asmara ee dalka Ereteriya.

Guddomiyaha oo maanta shir jaraa'id ku qabtay hoygiisa ku yaala magaalada Baydhaba ayaa faahfaahin ka bixiyay tan iyo markii la doortay waxyaabihii uu qabtay, isagoo sheegay in go'aano dhowr ah oo Baarlamaanku soo saaray ay hirgaleen isla markaana la filayo in dhowaan ay xildhibaanadu fasax galaan.

Md.Adan Madoobe Guddoomiyaha Baarlamaanka KMG ah mar uu ka hadlayay Xildhibaanada dibad jooga ah ee ka maqan Baarlamaanka isla markaana ku sugan dalka Ereteriya ayuu sheegay inay yimaadaan magaalada Baydhaba kana qeyb galaan howlaha Baarlamaanka, waxaana hadalka Guddoomiyaha uu ku soo aaday xilli ay soo baxayeen warar hoose oo sheegayay in laga yaabo xildhibaanada dibad jooga ah laga yaabo in xilka laga qaado kadib kulan Baarlamaan oo cod loogu qaadayo

Lama oga ilaa iyo hadda waxa ay kaga jawaabi doonaan xildhibaanda dibad joogga ah ee loogu baaqey inay kusoo biiraan fadhiga baarlamaanka ee ka soconaya magaalda Baydhabo.

RSTV NEWSROOM

Newsroom@rstvonline.com