RSTV NEWS.Ciidanka Dowladda KMG ah oo hawlgalo ka fuliyey meelo ka mid ah gobolka J/Hoose.

Ciidanka Dowladda KMG ah oo hawlgalo ka fuliyey meelo ka mid ah gobolka J/Hoose.

Ciidamada dawladda Soomaaliya ayaa waxa ay hawlgallo kala duwan ka sameeyeen goobo kala duwan oo ku yaalla xadka ay wadaagaan wadamada Soomaaliya iyo Kenya.

Ciidamadan oo markii hore ku sugnaa agagaarka Kismaayo ayaa u dhaqaaqey dhinaca xadka kala qeybiya Kenya iyo Soomaaliya halkaas oo lagu sheegey in ay joogaan dad looga shakiyey inay nabadda ka horjeedaan isla markaana waxay ciidankaasi sifeynayaan Isbaarooyinka lagu sheegey goobahaas.

Col. C/risaaq Afguduud oo wax laga waydiiyay arrimaha ku aadan hawl galadaasi ayaa waxa uu ka gaabsaday in uu wax warbixinno ah ka bixiyo hawlahaasi, waxaana uu sheegay in ay ciidamadu u tageen deegaanadaasi hawlo amaan.

Ilo wareedyo ku sugan Kismaayo ayaa sheegay in deegaanada ku yaalla xadka ay wadaagaan wadamada Soomaaliya iyo Kenya ay ka imaanayaan warar ku aadan in ay ku sugan yihiin kooxihii maxkmaadaha.

Ciidamada dawladda Soomaaliya ayaa tan iyo Bishii December ee sanadkii hore waxa ay dagaallo kula jireen Midowgii Maxaakiimta Islaamiga ahaa ee gacanta ku hayey badi Koonfurta Soomaaliya waxaana ka fara maroojiyey awooddii iskaashatey ee ka socotey Itoobiya iyo Dowladda KMG ah oo iyagu haatan maamula waddanka oo dhan.

RSTV NEWSROOM

Newsroom@rstvonline.com