RSTV NEWS.Baarlamaanka oo u codeeyey in dowladdu ku shaqeyso magaalada Muqdisho.

Baarlamaanka oo u codeeyey in dowladdu ku shaqeyso magaalada Muqdisho.

Fadhi aan caadi ahayn oo uu yeeshey Baarlamaanka Soomaaliya ayaa maanta waxaa u kaga doodey sidii go'aan looga gaari lahaa in xukuumaddu u guurto magaalada Muqdisho iyo in kale.

Qorsha guuritaanka waxaa Baarlamaanka usoo bandhigay madaxwaynaha federaalka Soomaaliya C/laahi Yuusuf oo ka kacodsaday baarlamaanku inay cod u qaadaan in xukuumaddu degto magaalada Muqdisho.

Wararku waxay sheegayaan in Baarlamaanku markaasi uu cod u qaadey hindisaha ah in xukuumaddu u guurto Magaalada Muqdisho waxaa halkaasi xubnihii kasoo xaadirey ay gaarayeen 190 xubnood.

Baarlamaanka ayaa gudo galay inay cod u qaadaan in xukuumaddu degto magaalada Muqdisho, waxayna cod aqlabiyad ah ku ogolaadeen in xukuumaddu degto Muqdisho , waxaana diidmo ka muujiyay 9 xildhibaan, waxaana ka aamusay 10 xildhibaan.

Baarlamaanka ayaa sacab kusoo dhaweeyay go'aankan hir galay ee ah in xukuumaddu ay ku shaqayso magaalada Muqdisho ee xarunta Soomaaliya, waxaana taageeray hindisahaasi 171 mudane.

shirkaasi lagama caddeynin wakhtiga ay dowaladdu usoo guureyso Muqdisho hase yeeshee waxaa la filayaa in ay noqoneyso xilli aan fogeyn sida laga arkayey sansaanka uu u dhacayey shirka Baarlamaanku. Madaxweynaha ayaa todobaadyo ka hor sheegey in shirweyne dib u heshiisiin ah lagu qaban doono magaalada Muqdisho 16 April waxaana dhici karta inta mudadaasi ka horeysa in dowladdu u soo guurto Muqdsiho.

Abdifatah M Abdinur
Minnesota

RSTV NEWSROOM

Newsroom@rstvonline.com