Wasiirka Arimaha gudaha dalka Yaman Dr Rashaad Alculeymi ayaa waxa uu kulan kulayeeshay Xaruntiisa magaalada Sanca Wasiiru Dowlaha arrimaha Dibada dalka BritainKim Hawlz, iyadoo labada Masuulna ay kawada hadleen arimaha soomaliya iyo sida loo gacan qaban karo Dowladan cagaha badan aan kutaagnayn ee dalka Soomaaliya.

Labada mas`uul oo si weyn u falanqeeyey ariamaha Soomaliya ayaa wax ay kawada xaajoodeen falalka afduubka ah lagula kaco maraakiibta ajanibiga ah ee mara xeebaha Soomaliya iyo sidii wax looga qaban lahaa ,iyadoo dalka Britina ay tababaro siyaan ciidamada badda ee dalka Yaman.

Wasiiru dowlahan reer Birin ayaa hoosta ka xariiqay in haddii aan la helin taageero caalami ah oo loo fidiyo Soomaaliya aysan joogsan doonin qafaalashada maraakiibta marta xeebaha Soomaliya taa badalkeedana looga fadhiyo caalamka in gacan laga siiyo xukuumada iminka Soomaaliya ka dhalatay la dagaalanka kooxaha mooryaan badeedka.

Wasiirka arimaha gudaha dalka Yaman Alculeymi waxaa kale uu mas`uulka reer Biritin kala xaajooday yareynta kooxaha tahriibayaasha Soomaliyeed ee naftooda ku haligaya xeebaha Yaman tasi oo sii kordheysa.

Labadaan Mas`uul oo dhinaca kale ka wada hadlay wax lagu tilmaamay argigixisada Soomaliya ka jirta ayaa waxa ay ku balameen in ay iska kaashadaan wax ka qabashadeeda.

Wasiiru dowlaha Biritin ayaa xukuumada Yaman uga mahad celiyay guushii ay ka soo hoysay hishiisiinta mas`uuliyiinta ugu sareeysa xukumada KMG ee Soomaliya iyo sida ay ugu heelan tahay in dalkani oo u soo noqdo kala dambeyntii iyo la jaan qaadida caalamka .

Kulanka labadaan mas`uul oo ka dhacay xarunta wasaarada arimaha dibada Yaman ayaa ku dhamadaay jawi aad u qurux badan iyadoo wasiiru dowlahuna uu tibaaxay in xukuumadiisu gaar siin doono dhambaalka Yaman ee ah in gacan la siiyo Soomaliya.

Maxamed Cadde.