UNICEF oo lacago u dalabtay caruurta nafaqa darada Soomaaliya ay ku heyso.

Hay’ada qaramada midoobay u qaabilsan caruurta ee UNICEF ayaa shalay waxa ay codsatay 14.7 milyan oo doolar si loogu caawiyo 1.2 milyan oo caruur ah oo ay wajahday nafaqo daro baahsan meelaha ay halakeeyeen abaaraha ee bariga Afrika.

Bayaan ay UNICEF ka soo saartay magaalada Nairobi, ayaa waxa ay ku sheegtay in dhaqaalahaasi uu gacan ka geesanayo in la badbaadiyo nololsha qoysaska ku tabaaleysan wadamada Kenya, ,Somalia iyo Itoobiya saddexda bilood ee soo fool leh.

UNICEF waxa ay sheegtay in ka badan 56,000 oo caruur ah oo da’doodu ay hooseyso shan jir in ay wajaheen nafaqo daro dalka Soomaaliya iyo gobolada Ormada ay degto ee koonfurta wadanka Itoobiya taasoo ah tiro la filayo inay sare u kacdo maadaama ay sii xumaanayaan abaaraha dhacaya.
 

Hay’ada UNICEF ayaa sheegtay in 10-kii caruur ah 3 ka mid ah oo ku nool goobaha abaarahu saameeyeen ee Soomaaliya ay haleeli doonto nafaqo daro".

Abaro ka dhashay labo sano oo roob la'aan ah ayaa ka dhacaya Soomaaliya kuwaasi oo waxyeelo u geysanaya shacabka Soomaaliyeed ee ku dhaqan gobolada koonfureed ee Soomaaliya.

Maxamed Cadde.
RSTV NEWSROOM