Qaar kamid ah qaxootiga Soomaalida ee ku nool wadanka Yemen ee doonaya iney halkaasii kaga dhoofaan dalal kale oo reer galbeed ah ayaa iminka bilaabey iney codsiyo geystaan kaniisadaha ku yaala dalka Yemen, iyagoo weydiisanaya iney gacan siiyaan dadka Soomaalida ah ee doonaya in loo qaado Yurub.

Qaar ka mid ah Soomaalida ku dhaqan magaalada Sanca oo u badan haween ayaa waxey bilaabeen iney qoraalo iyo araaji ah u qortaan kaniisadaha ku yaala magaaladasi,ayadoo haweenkan ay ku andacoonayaan in kaniisadaha ay ka codsanayaan iney gargaar u fidiyaan haweenka Soomaaliyeed ee halkaa ku tabaaleysan.

Mar qaar ka mid ah haweenkaasi wax laga weydiiyey araajidan ayaa waxa ay tilmaaneen sababta ugu weyn ee xiligan kusoo aadiyey iney araajidan qortaan ay tahay koror ku yimid dhibaatooyinka kasoo food saaraya wadanka yaman iyo shaqo la'aanta jirta.

Arintan haatan soo if baxday ayaa walwal iyo casbi balaaran waxaa ka muujiyey dadka Soomaalida ah ee dibada iyo gudaha wdanka ku dhaqan kuwaasi oo sheegaya in arintan ay tahay mid wax u dhimaysa dhaqanka suuban ee Soomaalidu ay leedahay.

Dhibaatooyinka laga dhaxl;ay dowlad la';aantii Somaaliya ka dhacday ayaa ah kuwa marba marka kasii danbaysa laga sii naxayo ayadoo Soomaalida walwal ay ka qabeen tahriibka ayaa hadana miska waxaa usoo fuulay warar sheegaya in Soomaalif\dii ay bilowday ay codsiyo ay u gudbistaan kaniisado kasoo horjeeda diinta suuban ee islaamka.

Maxamed Cadde.
RSTVonline.com