Guddoomiyaha baarlamaanka dawlada federaalka KMG ah ee Soomaaliya Shariif Xasan Sheekh Aadan ayaa lagu wadaa in maalinta bari ah uu ka dhoofo magaalada Muqdihso isagoo kusii jeeda magaalada Nairobi ee xarunta wadanka Kenya.

Guddoomiyaha ayaa la sheegay in uu doonayo halkaasi in uu kulan gaar ah kula yeesho madaxweyne C/llaahi Yuusuf, iyadoo Madaxweyne C/llaahi Yuusuf uu isna kusii jeeda magaalada Nairobi maalinta bari ah.

Wararka kale ayaa sheegaya in guddoomiyaha baarlamaanka la doonayo in uu horey u sii raaco madaxweynaha iyagoo ka wada qeyb geli doona shirka madaxda Afrika ee malintra isniinta ah ka dhici doona Sudan inkastoo warkaasi aan la hubin .

Guddoomiyaha baarlamaanka oo toddobaadkii lasoo dhaafay soo gaaray magaalada Muqdisho ayaan la ogeyn ilaa iyo iminka sababta soo dedejisay safarkiisa in kastoo aan sidoo kale la ogeyn qorshihiisa Muqdisho uu u yimid waxa uga hirgalay.