Raashin lagu quudin jirey dad badan oo dhibaatooyin kala duwan ay ku heysatay gudaha magaalada gobolka bay kuna xareysnaa maqsin ku yaalayu gudaha magaalada Baydhabo ayaa lagu soo waramayaa in maanta lagu bililiqeystay magaalada Baydhabo ee xarunta gobolka Bay.

Dhacan loo geeystay raashinka mucaawinada ah ee loogu talo galay in dadka tabaaleysan ee ka soo barakacay dagaalada ka dhacaya qeybo ka mid ah gobolka Bay i iyo degaanada abaaruhu ay saameyeen ee Bakol ayaa waxaa geeystay kooxo maleeshiyo ah oo ku sugan magaalada Baydhabo,ayago raashinka ka qaaday xarun keyd ah ooo ku taalay xaafada Horseed ee magaalada Baydhabo.

Sababta dhaca loogu geeystay mucaawinadaan ayaan la ogeyn, iyadoo qaar ka mid ah howlwadeenada xarunta dhacu uu ka dhacay ay ka gaabsadeen in ay faahfaahin ka bixiyaan dhacaan.

Raashinkan ayaa hay'adda WFP waxa ay ugu tala gashay in ay gaarsiiso dad si ba'an ugu tabaalaysan deegaano ku yaalla gobolka Bay kuwaasi oo ay degan yihiin dad soo barakacay.

Ma ahan markii ugu horeysay oo maleeshiyooyin hubeysan ay dhac u geystaan raashiin mucaawino ah oo ay leedahay hay'adda WFP ayadoo haatan ka hor ay maleeshiyooyin hubeysan dhaceen 10 gaari oo siday raashin mucaawino ah laakiin lagu guuleystay in dib loo soo celiyo.

Maxamed Cadde.

RSTV, Muqdisho