Meydad Soomaali ah oo laga helay xeebaha Yaman ayadoo qaar kuwo kalen la la'yahay.

Dad kor u dhaafaya 70 ruux oo Soomaali ah ayaa ku geeriyootay 37 kalena waa lagu la’yahay xeebaha gobolka Shabwah ee wadanka Yaman ka dib markii doonidii  ay la socdeen ay ku degtay deegaanka Reedda ee gobolka Shabwah.

Doonida degtay ayaa waxaa saarnaa sida wararku sheegayaan 11o qof ayadoo dadka illaa iyo iminka ay heleen ciidanka xeebaha Yaman ay gaarayaan 70 waxaana haatan lagu raad joogaa dadkii kale ee doonta la socday..

Warar soo baxaya ayaa waxa ay sheegayaan in doonida ay ka badbaadeen oo qura 3 ruux ,waxaana doontan ay kasoo kicitimtay xeebaga gobolka Puntland halkaasi oo maalmihii lasoo dhaafay ay kasoo tahriibayeen Soomaali aad u fara badan.

Wargeyska 26-ka Sep ee wadanka Yaman kasoo baxa oo soo xiganaya ciidanka amaanka xeebaha Yaman ayaa sheegay in ciidanka amaanka ay baadi goob ugu jiraan soo badbaadinta dadka iminka la la'yahay.

Dadka dhintay iyo kuwa la la'yahay ayaa waxa ay yihiin Soomaali waxaana ay ka koobnaayeen rag iyo dumar.

Maalintii sabtidii ayay ahayd markii Soomaalki badan oo meyd ah laga helay xeebaha gobolka Xadramoot ee wadanka Yaman,hay'adda UNHCR_na waxa ay mar kale ku celisay walaaca ay ka qabto dhimashadan faraha badan ee Soomaalida ay kala kulmayso tahriibka.

Maxamed Cadde
RSTVonline.com.