Hay'adda badaha ee IMB ayaa waxa ay sheegtay in burcad badeed hubeysan ay soo cusbooneysiiyeen qabashada maraakiibta, iyadoo axadii la soo dhaafay markab laga leeyahay wadanka isutaga Imaaraadka Carabta laga leeyahay lagu afduubtay xeebaha dhexe ee Somalia.

Hay'adda IMB ayaa sheegtay in markabkan ay saaran yihiin ilaa 20 shaqaalo iyadoo sidoo kale uu jiro weerar kale oo lala beegsaday markab kale oo marayay badaha Somalia, weerarakaasi oo hay'adu ay sheegtay in ragii geeystay ay ka soo dageen markab ay ku magacday Mather Ship oo ah markab ay isticmaalaan kooxaha burcad badeedka Somalida ee maraakiibta afduubka u geysata.

Ku xigeenka Hay'adda IMB ninka la yiraahdo Jenyat Ahayenkar ayaa u sheegay wakalaada wararka Reuters in xeebaha Somalia lagu heysto 5 markab oo ay saaran yihiin ilaa 100 badmaax.

markabkan ay burcadu afduubteen ayaa waxaa lagu magacaabaa Almanaar waxaana shaqaalaha saarnaa markabka ay gudo jireen markii la afduubanayey cuno cunid ayagoo ka war helay dablay markabka isku faafisay oo la wareegtay gacan ku heyntoo markabka.

afduubka markabkan ayaa waxa uu kusoo beegmay maalmo ka dib markii iska hor imaad uu xeebaha Soomaaliya ku dhex maray ciidamo amerikan ah iyo dablay dooni wadatay.

Maxamed Cadde.