Wasiir ku xigeenka gaashaandhiga dawladda fedaraalka kmg ah ee Soomaaliya Cumar Aadan Xasan Cumar Dheere ayaa maanta gaashaanka u daruuray isla markaana waxba kama jiraan ku tilmaamay warar sheegayay in lagu amray maliishiyooyinka ku xaraysan xerada Ceel Gaal ee duleedka magaalada Baladweyne in ay halkaasi isaga soo hayaamaan oo ay yimaadaan magaalada Baydhabo ee xarunta gobolka bay halkaasio oo ay ku sugan yihiin masuuliyiinta dowladda.

Wasiirka gaashaandhiga ayaa sheegay in aanay jirin wareegto kasoo baxday wasaarada gaashaandhiga oo ay amar ku bixinaysa in maliishiyooyinka Ceel Gaal ku sugan ay usoo wareegsadaan xerada daynuunay ee duleedka magaalada Baydhabo.

Cumar Dheere waxa uu xusay ciidamada ku jira xerada Ceel Gaal ay sii joogi doonaan xeradooda, iyadoo dowladdana ay bixin doonto qarashaadka ku baxaya ,waxaana hadalka Cumar Dheere uu u muuqdaa mid meesha ka saaraya warar hore usoo baxay oo sheegayay in ciidamadaas lagu amray in ay kusoo xaroodaan magaalada Baydhabo.

Hadalka wasiirka ayaa ka danbeeyay markii saraakiisha maliishiyooyinkaasi ku sugan duleedka magaalada Bakladweyn ay sheegeen maalinimadii shalay ahayd in lagu amray in ay maliishiyooyinkaasi laga soo raro Balasdweyn oo loo soo rarao magaalada Baydhabo laakiin saraakiisha Xerada Ceel gaal ayaa sheegay in warkaasi uu yahay mid aysan qaadan karan.

Maxamed Cadde
RSTV NEWSROOM