Soomaalida ku nool Koonfurta Afrika oo markii ugu horeysay  Muddo dheer kadib la siiyey sharci dalkaasi ay ku joogaan.

Wararka ka imaanaya dalka Koonfur Afrika ayaa sheegaya in Toddobaadkani Gudihiisa boqolaal Soomaaliyeed ay heleen sharciga degenaashaha waddankaasi oo isagu sharcigiisu ahaa mid si adag lagu qaato. Dad fara badan oo Soomaali ah ayaa sanadahan dambe ku sii qulqulayay waddankaasi, kuwaasi oo halkaasi ka sameystay mehrado kala duwan oo aad u fara badan, iyadoo la sheegay in ay wax ka badaleen ganacsigii waddankaasi, hase yeeshee shacabka Soomaaliyeed waxaa u dheer dilka, dhaca iyo kufsiga loo geysanayo,

waxaa labadii sano ee la soo dhaafay waddankaasi lagu dilay ilaa lixdameyo qof oo Soomaali ah kuwaas oo loogu dhacay guryahoodii. Bixinta sharcigan cusub ayaa waxaa si weyn u soo dhaweeyey shacabka Soomaaliyeed ee ku nool dalkaasi, iyagoo ku tilmaamay mid sii xoojinaya xiriirka u dhaxeeya shacabka Soomaaliyeed iyo reer Koonfur Afrika, waxaana la filayaa in sannadka soo socda iyana ay qaataan sharcigan boqolaal qofood oo Soomaali ah. Waa markii ugu horeysay oo Soomaalida kudhaqan

Wadanka Koonfur Afrika loo ogolaado in sharci ay kujoogaan Wadankaaasi lasiiyo iyadoo horey Soomaalida halkaasi ku dhaqan Sharciga intii ay raadinayeen lakulmayay Xarig, Dil iyo waxyaalo lamid ah.

Maxamed Cadde.
RSTV NEWSROOM
MOGADISHU