Kenya ayaa ku dhawaaqday in Qaxooti Cusub oo Soomaali ahi ay dalkeeda soo galeen.

War kasoo baxey Maamulayaasha Kenya   gaar ahaan gobolka w/bari Maanta waxaa lagu sheegey in Dalka Kenya ay soo gaareen qaxooti Cusub oo Soomaali ah kuwaasi oo kasoo Firxadey dagaalada kasoo Cusboonaadey Magalaada Muqdisho Maalmihii ina dhaafey.

Dadkaasi Qaxootiga ah oo tiradooda lagu Qiyaasey ku dhawaad 1000 qof waxey kasoo tallabeen xuduudda u dhaxeysa Kenya iyo Soomaaliya waxeyna sheegeen inay kasoo carareen dagaalka Muqdisho ku dhexmaraya Maleeshiyooyinka hubeysan ee ku dagaalamaya dhinaca waqooyi ee caasimadda Soomaaliya.

Warkan ku saabsan Qaxootiga waxaa xaqiijiyey Madaxa hay'adda CID ee gobolka Waqooyi Bari Kenya Mr.Henry Ondiek wuxuuna sheegey inay dadkaas Qaxootiga ahi ay isu dhiibeen Hay'adda UNHCR xarunteeda ku Dhadhaab oo ku Magaalada Gaarissa.

Warku wuxuu intaa ku darayaa in qaxootigani ay hadda xaalkoodu wanaagsan yahay lana doonayo in la dajiyo Xeryaha Qaxootiga ee ku degmada Dhadhaab.

RSTV NEWS ROOM
MINNESOTA