Maxaakiimta islaamiga ah oo ugu baaqay shacabka Soomaaliyeed in ay sii wadaan difaaca diintooda.

Midowga maxaakiimta islaamiga ee magaalada Muqdisho ayaa shir jaraa'id uu ku qabtay magaalada Muqdisho waxa uu baaq ugu jeediyey shacabka ku dhaqan magaalada Muqdisho ee ka cararay guryahoodii ka dib markii ay deegaanadii ay degenbaayeen ay ka dhaceen dagaalo qaraar oo u dhaxeeyey maxaakiimta islaamiga ah iyo isbahaysiga soo celinta nabada Mqudisho iyo la dagaalanka argagixisada.

Gudoomiyaha midowga maxaakiimta islaamiga ah ee gobolka Banaadir Sheekh Shariif Sheekh Sheekh Axmed oo shirkii jaraa'id ee maanta u aqriyey saxaafada bayaan wada jir ah oo ay soo wada saareen maxaakiimta islaamiga ah ayuu ugu yeeray shacabkkii ka qaxay goobihii lagu dagaalamay in dib guryahooda ay ugu soo laabtaan isagoo u uga tacsiyeeyey shacabka dhibaatadii ka gaartay dagaalkiii ay kula jireen sida uu hadalka u dhigay qolyaha usoo tafaxeetay ijaafeynta diinta islaamka iyo doorinta dhaqanka suuban ee Soomaalida. Gudoomiyaha midowga maxaakiimta islaamiga waxa uu sidoo kale shacabka ugu baaqay in ay u istaagaan difaacida diintooda oo uu sheegay in haatan dagaal qaawan lagu soo qaaday.

Sheekh Shariif waxa uu dhibatadii dhacday dusha kaga xooray isbahaysiga sharta iyo sheydaanbka oo uu ula jeedo isbahaysiga la dagaalanka argagixisada ee dhawaan magaalada Muqdisho lagaga dhawaaqay. Ayadoo maxaakiimta ay sidan sheegayaan hadanada dhanka kale isbahaysiga la dagaalanka argagixisada isna waxa uu qasaarihii ka dhashay dagaaladii Muqdisho usha kaga tuurayaa maxaakiimta taasi oo macnaheedu yahay in dhiiga maatida ah ee daadanaya uu yahay mid aan xisaabta ku jirin.

Maxamed Cadde
RSTV NEWSROOM
MOGADISHU