wararka ka imaanaya magaalada Baydhabo ayaa sheegaya maliishiyooyinka RRA-da ee lagu xareeyay duleedka magaalada Baydhabo in gelinkii danbe ee shalay loo qeybiyay lacago mushaaraad ah.

Lacagahan loo qeybiyay maliishiyooyinkan ayaa waxaa bixiyay barnaamijka QM u qaabilsan dhinaca horumarinta UNDP oo kaalin muuqata uga jirta gacan qabashada dowladda fedaraalka kmg ah ee Soomaaliya, iyadoo horayna lacago mushaaraad ah ugu qeybisay xildhibaanada baarlamanka fedaraalka kmg ah ee Soomaaliya.

Wasiirka beeraha Xasan Max'ed Nuur Shaati Guduud iyo xildhibaan Max'ed Ibraahim Xaabsade oo lacagahaas u qeybiyay maliishiyooyinka RRA-da ee lagu xareeyay xerada Deynuunaay ayaa u sheegay in mustaqbalka ay kubiiri doonaan ciidamada qaranka Soomaaliyeed, waxa ayna gaarsiiyeen maliishiyooyinkaas in laga sugayo howl baaxad leh.

Maliishiyooyinkan lagu xareeyay duleedka magaalada Baydhabo oo tiradoodu 3,000 oo ruux ayaa waxa ay halkaasi ku qaataan tababaro, iyadoo la doonayo in ay qeyb ka noqdaan ciidamada qaranka.

Maxamed Cadde.
RSTV NEWSROOM