Madaxweynaha Dowlada kmg ah ee Soomaaliya C/laahi Yuusuf Axmed, ayaa maanta barqadii kulan isagu yeeray xubnaha laba gole ee ka yimid magaalada Muqdisho, isagoo kala hadlay arrimo la xiriira sidii si wada jir ah loogu wada shaqeyn lahaa shacabka iyo sidii dowlada ay cagaheeda isy taagi lahayd loona xalin lahaa khilaafka jira.

Xubnaha maanta kulanka la qaadatay madaxaweynaha ayaa tiradooda waxaa lagu sheegay 70 xubnood in ka badan oo uu horkacyey ra’iisal wasaare ku xigeenka dowlada kmg ah Maxamed C/laahi Jaamac Sifir ayagoo madaxweynaha ku qaabilay gurigiisa.

Kulanka madaxweynaya iyomudanayaasha baarlamaanka ee Muqdisha ka yimid ayaa waxa uu ahaa mid ay albaabada ulaabnaayeen oo saxaafada loo diiday in ay wax ka ogaato.

laakiin kulankaasi ka dib ayaa xildhibaan Cumar Xaashi Aadan waxa uu saxaafada u shegay in madaxweynaha ay kawada hadleen sidii sare loogu qaadi lahaa wada shaqeynta xubnaha baarlamaanka.

Dhinaca kale gudoomiyaha baarlamaanka Shariif Xasan Sheekh Aadan ayaa isna hoygiisa magaalada Baydhaboku qaabilay xubanaha labada gole ee ka yimid magaalada Jowhar isagoo kala hadlay sidii loo iloobi lahaa qilaafaadka labada gole kala dejiyey Muqdisho iyo Jowhar.

Maxamed Cadde.
RSTV NEWSROOM