Waxaa maanta degmada Buulo Burde ee gobolka Hiiraan ee bartamaha Soomaaliya si xoog ah kula wareegay gacan ku heynteeda maleeshiyooyin uu uu horkacayo gudoomiyaha gobolka Hiiraan Yuusuf Axmed Hagar Dabageed .

Dabaged ayaa gacan ku heynta degmada Buulo Burde kala wareegay gudoomiyihii hore ee degmada Buulo Burde Cabdi Iidow Sabriye ayadoo la sheegay in labada dhinac uu dhexmaray iska hor imaad aan la shaacin qasaarihii ka dhashay .

Ayadoo Dabageed uu awood Militari kula wareegay gacan ku heynta degmada Buuloburde ayaa hadana wararka degmada Buulo Burde ka imanaya waxa ay sheegayaan in gudoomiyihii hore ee degmadaasi uu weli degmada dhinac ka mid ah ku sugan yahay ,waxaana dadka degmada ay cabsi ka qabaan in dagaal hor leh uu labada dhinac maro.

Yuusuf Dabageed ayaa la sheegay in uu weerarka ku qaaday degmadaasi ka dib markii gudoomiyaha degmada Buulo Burde uu diiday inuu xilka degmadaasi soo wareejiyo,waxaana tallaabadan ay imanaysaa xili lagu guul dareystay waan waan labada dhinac ay ka dhex wadeen odayaasha dhaqanka gobolka Hiiraan.

Ka dib la wareegida Dabageed ee Buuloburde waxaa soo baxay cambaareyno kala duwan oo falkaasi Dabageed uu ku dhaqaaqay loojeedinayo,xildhibaano uu ka mid yahay Axmed Cumar Gaagaale oo maanta shir jaraa'id ku qabtay magaalada Baydhabo ayaa falkaasi si weyn u cambaareeyey waxaana ay ku tilmaameen qorshe uu ka danbeeyo ra'isulwasaaraha dowlada kmg ah eee Soomaaliya.

Yuusuf Dabageed ayaa degmada Buulo Burde ku weeraray illaa 7 gaariookuwa dagaalka ah ayadoo markii uu la wareegay degmada uu rasaas xooggan kor u riday si uu u kala ceyriyo shaqaalihiika howlgalayey xafiisyada degmada.

Maxamed Cadde..
RSTV NEWSROOM
MOGADISHU