Xoghayaha guud ee QM Kofi Annan ayaa shaaca ka qaaday falalka afduubka ah oo ay burcada badeeda Soomaaliyeed ka gaysanayaan xeebaha Soomaaliya in ay caqabad weyn ku yihiin dadaaallada lagu doonayo gar gaar deg deg ah in lagu gaarsiiyo dadka abaaruhu ku hayaan qeybo kamid ah dalka Soomaaliya.

Kofi Annan oo qoraal kasoo saaray xaruntiisa magaalada New York ayaa sheegay dadka ku tabaalaysan dalka Soomaaliya gar gaarka loo sii marsiin doono dhinaca dhulka, taasoo ay ugu wacan tahay buu yiri falalka burcad badeeda Soomaaliyeed ay ka wadaan xeebaha Soomaaliya.

Kofi Annan waxa uu muujiyay cabsida laga qabo in burcad badeeda Soomaaliyeed ay dhac u gaystaan maraakiibta gar gaarka u sida dadka abaaruhu ku hayaan dalka Soomaaliya.

Hadalka Kofi Annan ayaa soo baxay maalin uun kadib markii maalintii axada ahayd burcad badeed Soomaali ah ay ka afduubteen xeebaha Soomaaliya markab laga leeyahay dalka India oo ay lasocdeen 25 shaqaale oo kusii jeeday dekada Ceel Macaan, isagoo kasoo shiraacday dekada magaalada Kismaayo.

Maxamed Cadde.
RSTV NEWSROOM