Isbahaysiga la magac baxay soo celinta nabada iyo la dagaalanka argagixisda ayaa waxa ay maanta kulan kuyeesheen deegaanka Dayniile ee xarunta wasiirka amniga qaranka, iyadoo kulankii

maantana looga hadlay arrimo dhowr ah oo dhinacyo badan taabanaya.

Kulankii maanta oo ay kasoo qeyb galeen dhamaan xubnaha isbahaysga iyo Max’ed Dheere oo sheegay taageero in uu yahay isbahaysigaas ayaa waxaa lagu magacaabay afhayeenka isbahaysigaas oo laga dhigay Xuseen Guutaale Raage.

Max’ed Dheere oo ;a hadlay saxaafada ayaa sheegay in ay ku ballameen wax ka qabashada amaan darrada ka jirta dalka iyo la dagaalamida shisheeyaha firxadka ah ee ku dhaamalaysanaya gudaha dalka Soomaaliya gaar ahaan magaalada Muqdisho.

“waxaan kasoo saarnay kulankii maanta magacaabista afhayeenka isbahaysiga iyo ka baaraan degida wax ka qabashada amaan darrada ka taagan dalka iyo la dagaalamida argagixisada gabaad ka dhiganaya shaqsiyaad la duufsaday” ayuu yiri Max’ed Dheere oo intaa kudaray in ay bartilmaameedsanayaan shaqsiyaadka hoyga siiya argagixisada, iyagoo aan waxyeeleynayn shacabka Soomaaliyeed.

Max’ed Dheere mar uu ka hadlayay waan waan la sheegay in laga dhex wado isaga iyo madaxweyne C/llaahi Yuusuf waxa uu ku jawaabay in taasi aysan ahayn mid si xowli ah ku socota, isagoo rajo xumo ka muujiyay in dowladda mar kale ay dib ugu soo laabato magaalada Jowhar, waxa uuna heshiis uu la galo dowladda shuruut uga dhigay in talada laga dhigo mid wadaag ah oo aan ku koobnayn hal qof.

Max’ed Dheere ayaa kulankaas kadib dib ugu laabtay magaalada Jowhar, isagoo sheegay in kulankii maanta uu kusoo dhamaaday jawi aad u wacan.

Kulankii maanta ee isbahaysiga ayaa kusoo beegmay xilli dhawaan madaafiic ay isweydaarsadeen ciidamada isku horfadhiya aaga hore ee goobihii horay ugu dagaalameen midowga maxaakimta islaamiga iyo isbahaysiga la dagaalanka argagaixisada.

Maxamed Cadde.
RSTV NEWSROOM
MOGADISHU