Shir jaraa'id oo maanta ka dhacay xarunta guddiga gurmadka abaaraha ayaa waxa ay guddiga gurmadka abaaraha uga hadleen socdaalkii ay kusoo mareen gudoomiye ku xigeenka gudiga gurmadka abaaraha Sheekh Cisman Maxamed Maxamud xarunta gudiga gurmadka abaaraha ayuu kaga hadlay xaaladda abaareed ee ka taagan gobolada koonfureed qeybo ka mid ah oo ay socdaal kormeer ah kusoo mareen kuwaasi oo ay ka mid yihin Gedo,Bakool iyo Bay.

Sheekh Cisman ayaa ku tilmaamay socdaalkii ay ku tageen goboladaasi mid ay kusoo indho indheynayeen xaalada dhabtaah ee ka jirta goboladaasi isagoo xusay in xaalad nololeed oo aad u adag ay kusoo arkeen goobihii ay tageen.

' Dadka ma heystaan wax ay cabaan ,waxaana ay inta badan taaganyihiin hareeraha wadooyinka ayagoofilaya inuu gargaar deg deg soo gaari doono" ayuu yiri Sheekh Cisman oo intaasi ku daray in dad fara badan iyo xoolahooda ay u geeriyoodeen haraad iyo gaajo ayadoo aysan jirin gargaar aad u ballaaran oo deg deg ah.

Gudoomiye ku xigeenka gudiga gurmadka abaaraha ayaa ugu baaqay dadka Soomaalida ah ee ku sugan dalka dibadiisa ,maalqabeenada Soomaalida iyo hay'adaha samafalka in ay gargaar deg deg ah lasoo gaaraan dadkaasi abaartu ay heysato .

Maxamed Cadde.
RSTV NEWSROOM
MOGADISHU