Dhul gariir xoogleh oo dad ku dhintey  ayaa ka dhacey dalka Iiraan.

Sida uu ku warramey Telefshinka ay dawladdu leedahay waxaa waddanka Iiraan ka dhacey dhul gariir lixaad leh kaasi oo geystey Kharaare badan iyadoo tiro dad ahi ay ku dhinteen kuwa kalena ay ku dhaawacmeen.

dhulgariirkan oo dhacey Jimcaha markii waagu baryey ayaa waxaa lagu qiyaasey 6.0 waa qiyaasta lagu cabbiro dhulgariirka.

Sida uu faafiyey Telefishinka dalka Iiraan dadka dhintey waxay gaarayaan ilaa 42

ruux iyadoo ku dhawaad 700 oo kalena ay ku dhaawacmeen, ninka Madaxda ka ah guddiga  ka hortagaa dhibaatooyinka iyo Burburka dalkaasi oo lagu magacaabo Ali Barani ayaa sheegey in dhimashada hadda la ogyahay ay tahay 42 qof iyadoo laga yaabo inay ka badato.

Guddoomiyaha  gobolka uu dhulgariirku ka dhacay ayaa  warbaahinta u sheegay in waxaa khasare soo gaarey 30-40 tuulo oo nawaaxigaas ah waxaana laga cabsi qabaa in dhimashadu ay soo badato marba marka ka dambeysa.

Muqtar Ahmed Katiitow
RSTV NEWSROOM
Minnesota