Warar deg deg ah oo goor dhaw aanu ka helnay deegaanka Dhanaane ee gobolka Shabeellaha hoose ayaa sheegaya dagaal in uu maanta ka qarxay deegaankaas, kaasoo u dhaxeeyay maliishiyooyin kala taabacsan wasiirka owqaafta iyo arrimaha diinta ahna xubin kamid ah isbahaysiga dhawaan lagaga dhawaaqay magaalada Muqdisho ee la magac baxay la dagaalanka argagixisada iyo gudoomiyaha gobolka shabeellaha hoose Sheekh Yuusuf Indhacade.

La magaranayo khasaaraha uu gaystay dagaalkan u dhaxeeya labada dhinac ee ka qarxay deegaanka Dhanaane oo ah dagaalkii ugu horreeyay ee dhex mara maliishiyooyinka kala taageersan wasiirka owqaafta iyo gudoomiyaha gobolka Shabeellaha hoose Sheekh Yuusuf Indhacade.

Mar aanu la xiriirnay labada dhinac ee ku dagaalamaya deegaanka Dhanaane waxa ay ka gaabsadeen in ay faah faahin ka bixiyaan dagaalkaas la sheegay in uu ka socdo deegaanka Dhanaane.

Wararka qaar ayaa sheegaya dagaalkan in uu salka ku hayo isqab qabsi dhinaca deegaanka ah oo u dhaxeeya maliishiyooyinka hubaysan ee kala taageersan wasiirka owqaafta iyo arrimaha diinta iyo gudoomiyaha gobolka Shabeelaha hoose.

Maxamed Cadde.
RSTV NEWSROOM