Nin hubeysan ayaa ku diley Lix qof Magaalada Seattle kaasi oo isaguna is diley markii dambe.

Nin hubeysan  ayaa diley dad gaaraya ilaa 6 ruux meel xaflad ah oo ka mid ah Magaalada Seattle ee gobolka Washington, Shilkani oo ka dhacey meel xaafado dhexdood ah oo ay dad dhallinyaro ahi ku lahaayeen Xaflad gaar ah.

war kasoo baxay Booliiska ayaa sheegaya in shilkaasi uu dhacey digniin la'aan iyo muran la'aan taasi oo aan la garaneyn sababt kaliftey inuu ninkaasi dilo dadkaas ka dibna uu isdilo, taliyaha Boliiska Magaalada Seattle Chief Gil Kerlikowski ayaa sheegey in Ninkaasi uu rasaas aanu u meel dayin ku furey dad meel Xaflada ah ku sugnaa waxaana uu sheegey  inuu socda baaritaan ku saabsan sababaha keeney dhacdadan.

Wararku waxey sheegayaan in dadka dhintey ay Da'doodu u dhaxeyso dhawr iyo Toban ilaa dhawr iyo labaatan jir, waxaa kale oo jira tiro dad ah oo iyaguna dhaawac ah oo mid ka mid ah uu liito laguna rakibey qalabka caawiya dadka xaaladoodu daran tahay.

Abdifatah M. Abdinur
RSTV NEWSROOM