Liberia ayaa ka codsatey Nigeriya in ay u soo Gacan geliso Charles Taylor

Codsigan ayaa loo gudbiyey Madaxweynaha Nigeria ayaa lagu qeexay in Dowladda Nigeria ay soo Afjarto Magan gelyadii ay siisey Madaxweynihii hore ee Liberia Mr. Charles Taylor.

Sida ku Cad warbixintan lagu Doonayo Taylor ayaa waxay ku eedeynaysaa inuu Dambiyo ka geystey Waddanka Sierra Leone  Maxkamad gaar ah oo Dambiyada Dagaalka ah kana furan Sierra Leone ayaa Dooneysa inay dambi kusoo oogto Mr. Taylor dambigaasi oo ah qeybtii ama gacantii uu siiyey koox Falaago ah oo ka dagaalami Jirtey Waddanka Sierra Leone dad badana halkaasi ku dishey.

Afhayeen u Hadley Wasaaradda arrimaha Dibadda ee Liberia oo lagu Magacaabo Johnny McClain ayaa warbaahinta u sheegey in haddii Nigeria ay soo celiso Charles Taylor uu si toos ah u tagi Doono Sierra Leone si dacwadda loogu qaado.

Sidoo kale afhayeen iyana u hadashey Maxkamaddaas ka furan Sierra Leone ayaa sheegtey in qolkii Xabsiga uu lahaa Taylor uu maran yahay oo uu isaga Sugayo.

Charles Taylor waxaa uu magan gelyo siyaasadeeed ka heley Nigeria Sanadkii 2003dii ka dib markii sidaasi ay codsadeen Dalal Badan oo uu Mareykanku ka mid ahaa.

RSTV NEWSROOM
Minnesota, USA