Wasiirka Hubkadhigista iyo dhaqan celinta maleyshiyooyinka ee Dawlada KMG ah ee Soomaaliya Bootaan ciise Caalim kana tirsan Raga hubeysan ee Muqdisho kaga dhawaaqay 18kii bishan Isbaheysiga Ladagaalanka argagixisada ayaa sheegay iney hubaan in Magaalada Muqdisho ay joogaan dad ajnabi ah oo ka yimid Dalalka Afqaanistaan,Ciraaq iyo Meelo kale kuwaasoo xubno ka ah ayuuyiri Wasiirka .

Mr Bootaan oo ka hadlayey waxa uqorsheysan xiligan ayaa sheegay ineysan usuurageli karin iney dagaal ka nastaan inta ay Soomaaliya joogaan waxa uu ugu yeeray Ajaanib Danbiilayaal ah oo kusoo dhuuntay Gudaha dalka isagoo Culumaaudiinka ka codsaday iney ka digtoonaadaan Magangelinta Danbiilayaasha ajnibiga ah waa siduu hadalka u dhigaye.

Wasiirka Hubkadhigista iyo dhaqancelinta Maleyshiyooyika ayaa sidoo kale ka hadlay hawlaha sugaya Xukuumada federaalka gaara ahaan Wasaaradiisa isagoo sheegay in Hawsha wasaaradiisu ay tahay Mid culus oo ubaahan Dhaqaale fara badan isagoo dhaliilay qaabka ay usocoto hawsha dhaqaale looga raadinayo Beesha Caalamka ee ka socota Magaalada Baydhabo.

Labadeyda wasiirkuxigeen ayaan ku ogahay Hawsha wasaaradeyda iyagana Baydhabo ayey Joogaan iyaga ayaan la xiriiraa Saacad kasta,waan tegeyaa Magaalada baydhabo hadii ay inoo dhamaato hawsha aanu Muqdisho ujoogno ayuuyiri Bootaan Ciise oo ah Siyaasiga keliya ee loo weerara kamid ahaanshihiisa isbaheysiga ladagaalanka argigixisada awgeed loogana dilay taliyihii ciidankiisa

Maxamed Cadde.
RSTV NEWSROOM