Golaha baarlamaanka Soomaaliya oo ansixiyey Guddi hoosaadyada Barlamanka.

Xubnaha baarlamaanka kmg ah ee Soomaaliya oo maanta kalfadhigii ay lahaayeen dib uga bilowday magaalada Baydhabo ee xarunta gobolka Bay ayaa si weyn isula falanqeeyey ugana dooday dhisida gudiyada hoose ee golaha baarlamaanka waxaana kalfadhigii maanta lagu lafa gurey qorshe uu soo bandhigay gudoomiyaha baarlamaanka oo ahaa in la kordhiyo gudiyada baarlamaanka.

Dood dheer ka dib ayaa xubnaha baarlamaanka waxaa uu gudoomiyaha baarlamaanka u jeediyey in cod gacan taag ah ay u qaadeen arinta la xariirta kordhinta gudi hoosaadyada golaha baarlaamnka waxaana arintaai haa ugu codeeyey xildhibaanado 200 gaaraya ayadoo 4 ay diideen labana ay ka aamuseen.

Guddi ka kooban 5 garyaqaan ayay xubnaha baarlamaanka ee maanta shirey u wakiisheen in ay soo dhisaaan isla markaana ay kasoo baaraandagaan gudiyada baarlaamnka waxaana garyaqaanadaasi ka mid ahaa Xasan Dhimbi Warsame.

Warar hoose ayaa sheegaya in xubnaha baarlamaanka ay isku raacay in gudiyada ay xubno ka noqdaan oo kaliya xubnaha ku jira golayaasha wasiirada iyo baarlamaanka.

Gudoomiyaha baarlamaanka ayaa lagu soo waramayaa in uu kulanka baarlamaanka dib u dhigay illaa iyo maalinta arbacada ah sida ay sheegayaan wararka ka imanaya Baydhabo waxaana la filayaa in xubnaha baarlamaanka ay sii wadaan ka doodida mooshinada marka maalinta arbacada ay dib isugu soo laabtaan.

Maxamed Cadde.
RSTV NEWSROOM
MOGADISHU