Madaxweynaha Soomalaiya oo ku sii jeeda Magaalada Nairobi ee Dalka Kenya.

Wararka aanu ka heleyno magaalada Addis Ababa ayaa sheegaya in madaxweynaha Soomaliya Mudane Abdullahi Yusuf  uu isu diyaarinayo socdaal uu ku tagayo magaalada Nairobi. wararku waxay tibaaxayaan in madaxweynuhu uu ku Biiri doono Guddoomiyaha baarlamaanka mudane Shariif Xasan iyo Ra'iisal wasaaraha Dowladda Federaalka oo iyagu haatan ku sugan dalka Kenya waxaa kale oo halkaasi jooga xubno ka tirsan Golayaasha Dowladda.

waxaa la filayaa marka uu Madaxweynuhu gaaro Nairobi in ay jiri doonaan wadahadallo dhexmari doona isaga iyo Madaxda kale ee sii joogey dalka Kenya ee uu ka mid yahay Guddoomiye Shariif iyo R/wasare Geeddi waxaana lagu wadaa in halkaasi lagu qabto kulan weyn oo lagu marti qaadi doono wakiilada Beesha Caalamka ee jooga Nairobi intooda badan.

Si kastaba ha ahaatee waxaa soo baxaya Ifafaale muujineya inuu dhamaanayo Khilaafkii soo Jiitamayey ee u dhexeeyey Hoggaanka sare ee Dowladda Federaalka Soomaaliya  taasi na ay u horseedi doonto Dadka Soomaaliyeed iney Helaan dowlad soo celisa Amaankii iyo kal dambeyntii.

Muqtar Axmed Maxamud

RSTVONLINE