Gudd, Gob.Sh/ Dhexe Maxamed dheere ayaa ku sii jeeda Jowhar ka dib  Markii uu dhameystey Socdaal uu ku Joogey Kenya

wararka ka imaanaya Caasimadda Kenya ee Nairoobi ayaa sheegaya in Guddoomiyaha Gobolka Shabeelaha Dhexe Maxamed Cumar Xabeeb M/dheere uu dib ugu Laaban doono Magaalada Jowhar oo xarun u ah Maamulka Sh.Dhexe ee uu isagu madaxda u yahay ka dib markii uu dhameystey Socdaal dhawr maalmood Qaatey uu ku tagay waddanka Kenya.

Ujeedada Socdaalka Guddoomiyaha lama Sheegin waxa ay ku saabsan tahay hase yeeshee wararka soo baxaya dad ku dhowdhow Maamulka Shabeelaha Dhexe ayaa waxay sheegayaan in Maxamed dheere uu Nairobi kula kulmey Sarakiil ka socotey waddamada Reer Galbeedka iyagoo ka wada hadley horumarinta Maamulka gobolka Shabeelaha  Dhexe ee dhinacyada Nabad gelyada iyo dhaqaalaha.

 Maxamed dheere intii uu  halkaasi joogey waxa ay is arkeen oo kale madax ka socotey waddanka Shiinaha oo safiirkoodu uu maalmo ka hor Booqdey Magaalada Jowhar waxayna Madaxdaas ka wada hadleen sidii ay dawladda Shiinuhu wax uga qanban lahayd horumarinta gobolkaas oo ay horey Dawladda Shiinuhu uga shaqeyn jirtey sanadihii 80meeyadii.

Nabad iyo  Xasilooni ayaa ka jirtay Gobolka Shabeelaha dhexe tan iyo  intii uu Maamulkiisa qabtey Mudane Maxamed Dheere Sanadkii 1999kii kaasi oo ay doorteen waxgaradka degaankaasi si uu wax uga qabto guud ahaan Gobolka Sh/dhexe Nabadgalyadiisa iyo horumarintiisaba.

Maxamed Xuseen Xaaji
RSTV Indiana USA