Agaasimaha hay’ada lacagta aduunka ee marka magaceeda lasoo gaabiyo loo yaqaan IMF Rodrigo Rato ayaa ugu baaqay beesha caalamka in kaalmo deg deg ah oo ku filan lala soo gaaro dadyoowga ku dhaqan wadamada Soomaaliya, Kenya, Jabuuti iyo Ethiopia,kuwaasi oo ay halakaynayaaan abaaro baaxad weyn.

Rodrigo Rato waxa uu sheegay in beesha caalamka ay tlooba fadhiyo in ay qaaddo talaabooyin ay wax kaga qabanayaan abaaraha ka taagan geeska afrika.

Waxa uu yiri Ratto "waxaan ugu baaqayaa beesha caalamka iyo wadamada deeqaha bixiya in ay si deeqsinimo ay ku jirto uga jawaabaan dhibaatada ka dhalatay abaaraha ka jira geeska Afrika oo ay kaalmo gaarsiiyaan dadka tabaaleysan ee macluushu ay halakaynayso ,waxaana sidoo kale uu ku sheegay bayaan uu soo saaray todobaadkan in xaalad bani’aadnimo oo aad u daran ay ka jirto wadamada soomaaliya, Ethiopia, Kenya iyo Jabuuti oo meelahaasi ay dadku ugu dhimanayaan gaajo.

Waxa uu intasai ku daray mudane Rato in loo baahan yahay in si deg dega waxa looga qabto mashaqada abaareed ee taagan ee ka dhalatay roob la’aanta, waxa uu yiri mar kale waa in badbaadiyaa nolosha dadka ku dhaqan gobolka ee ku ceyrtoobay abaaraha isagoo walaac ka muujinaya xaalada cuno yari ee taagan .

Sida laga soo xigtay hay’ada beeraha iyo cuntada ee qaramada midoobay FAO, qiyaastii 11 milyan oo ruux ayaa qarka u saaran macluul iyo gaajodalalka Djibouti, Ethiopia, Kenya iyo Somalia.

Wakaalaad dhanka kormeerka gargaarka u qaabilsan qaramada midoobay ,Mareykanka iyo Yurub ayaa ku qiyaastay dadka abaaraha ay ku haysato wadanka SOomaaliya 1.75 milyan oo ruux ayadoo hay'addu ay sheegtay ay dadkani ay sare u kacaneen.

Maxamed Cadde.
RSTV NEWSROOM