Dowladaha Yemen iyo Soomaaliya ayaa waxa ay shalay kala saxiixdeen hishiis iskaashi ah si sara looga qaado xiriirka saaxibtinimo ee kadhaxeeya labda dal ee walaalaha ah.

Hishiiskan ayaa waxaa labada dhinac ukala saxiixy Wasiirada Arrimaha Dibadda ee labada dal Abuu Bakar Alqurbi iyo C/Laahi Sheekh Ismaaciil.

Labada Masuul ayaa waxa ay sidoo kale kawadahadleen abaabulida kulan ay isugu yimaadaan Golaha ururka Islaamka kaasoo looga hadlayo arrimaha dalka Soomaaliya.

Xafladii lagu maamuusayay hishiiskan oo lagu qabtay magaalada Sanca ayaa waxaa hadallo kajeediyay labada Masuul oo kudheeraaday xiriirka saaxibtinimo ee udhaxeeya labada ee Walaalaha ah iyo waliba sidii sara loogu qaadi lahaa iskaashiga udhaxeeya labada dal ee jaarka ah.

Abu Bakar Alqurbi Wasiirka Arrimaha Dibadda ee dalka Yemen oo hadal kooban kajeediyay Xafladaas ayaa sheegay dalkiisa in uu sii wadi doono taageerida Dowladda Soomaaliya iyo waliba sidii caalamka uu uga gacan kasiin lahaa Soomaalida dibu dhiska kaabayaasha dhaqaalaha ee burburay.

C/Laahi Sheekh Ismaaciil Wasiirka Arrimaha Dibadda ee dalka Soomaaliya oo isagana munaasabadaas kahadlay ayaa ammaan ballaaran ujeediyay dadaalada ay wado Dowladda yemen iyo doorka ay kaciyaarayso dibu hishiisiinta dalka Soomaaliya.