Kulan ballaaran oo ay yeesheen dalalka xubnaha ka ah Ururka Islaamka oo uu shir gudoominayay dalka Qatar ayaa waxaa lagu qaada dhigay arrimaha dalka Soomaaliya, iyadoo diirada lagu saaray xaalada Soomaaliya iyo halka ay marayaan dadaallada dibu hishiisiinta ee laga dhax wado qeybaha kala duwan ee isku haya dalkaas.

Kulankan ay yeesheen Masuuliyiinta Ururka Islaamka oo kadhacay dalka sacuudiga ayaa amaan ballaaran loogu jeediyay hishiiskii magaalada Cadan ay kukala saxiixdeen Madaxweynaha Soomaaliya iyo Afhayeenka Baarlamanka.

Kulankan ayaa waxaa laga soo saaray baaq loo jeedinayo dalalka Carabta iyo kuwo Islaamka oo ku aadan in ay taageero u fidiyaan dalka Soomaaliya, iyadoo laga ambaqaadayo go’aanadii kasoo baxay shir madaxeedkii Carabta ee kadhacay dalka Aljeriya.

Baaqan ay soo saareen ayaa waxaa lagu amaanay dadaalada dowladda Yemen ay u gashay qabsoomida kulankan iyo sidii loo taageeri lahaa dowladda Soomaaliya oo aan cago badan ku taagnayn.

Wafdigii kasocday dalka Yemen ee kaqeyb galay kulankaas kadhacay dalka Sacuudiga waxaa horkacayay danjiraha dalka Yemen u fadhiya Boqortooyada Sacuudi Carabiya Cali Muxsin.

Maxamed Cadde
RSTV NEWSROOM