Ninkii Dhidibada u dhigey Telefishinka CNN ayaa shaqadii  ka Fariistey.

Ted Turner oo ah Ninkii aasaasey Telefishinka Caank ah ee lagu magacaabo CNN ayaa maanta ka tagey shaqadii uu ka hayey  Shirkadda kor ka Maamusha CNN-ta taasi oo lagu magacaabo Time Warner.

Ted Turner waxaa uu sanadkii 1980kii ku dhawaaqey inuu furayo Telefishinkii ugu horeeyey ee hawada ku jira 24 saac  isagoo baahinaya wararka adduunka iyo Fallooyinka kaasi oo uu ugu magac darey Cable News Network.

Markii uu sheegay inuu furayo Telefidhinkaas Dad badan ayey la noqotey inay tahay wax aan suurta gal ahayn hase yeeshee wuu kaga dhabeeyey waana tan maanta ka dhigtey CNN inuu noqdo mid ka mid ah Telefishinada Adduunka loogu Daawasho badan yahay.

Ted Turner waa nin Maal qabeen ah isla Markaana leh Dhul Bannaan (Land Owner) oo qiimo sare ka Jooga Mareykanka kaasi oo caddeyn u ah inuu yahay  nin iska leh Hanti ma guurto ah waxaa kale oo uu leeyahay Telefishino iyo Channello kale oo Maaweelo iyo Filimo sii daaya.

 Ted Turner wuxuu Sannadkii 1997kii ugu deeqey Qarmada Midoobey Lacag dhan 1 billion oo Doolar taasi oo uu ugu tala galey in lagu horumariyo hawlaha Qarmada Midoobey.

lama oga waxaa xiga ee qaban doono Ted Turner mar haddii uu ka tagey hawlihii warbaahinta ee uu ku soo jirey sanaddo badan waxaase la filayaa inuu billaabo wax kale oo ku saabsan isla warbaahinta ama inuu u leexdo ganacsisyo kale.

Xuseen M. Xaaji 
RSTV NEWSROOM.