Wararka ka imaanaya degmada Baraawe ee gobolka Shabeellaha hoose ayaa sheegaya taliyaha maliishiyooyinka Isbahaysiga Dooxada Jubba Max’ed Rooble Jimcaale (Goobaale) iyo 30 gaari oo kuwa dagaalka ah oo uu wato in ay gaareen degmada Baraawe ee gobolka Shabeellaha hoose.

Lama garanayo waxa uu la xariiro socdaaalka Goobaale, balse warar laga helayo Baraawe ayaa sheegaya taliyaha ciimada isbahaysiga Dooxada Jubba in uu kulamo la yeelanayo masuuliyiinta degmada Baraawe.

Socdaalka Goobaale ayaa ahaa kii ugu horreeyay oo uu ugu ambabaxo meel ka baxsan magaalada Kismaayo tan iyo markii dagaaladu ay ka dhaceen magaalada Kismaayo

Warar soo baxaya ayaa tibaaxaya in gaweaaridaasi dagaal laga yaabo in ay ka qeyb qaataan dagaalka ka soconaya magaalada Muqdisho oo u dhexeeye Isbahaysiga la dagaalanka argagixiasda iyo maxaakiimta islaamiga ah ee gobolka Banaadir.

Maxamed Cadde.
RSTV MOGADISHO