Dr Sheekh Yuusuf Al Qardaawi ayaa ku eedeeyay beesha calamka in ay ka jiifatay wax u qabashda Soomaalida dshibaateysan ,halka uu ka sheegay in taa badalkeeda ay si weyn ugu gurmadeen duufaantii katriina ee mareykanka.

Xogahaya guud ee xiriirka caalimiga muslimiinta Dr Yuyuf Alqardaawi ayaa ka deeriyay xaalada bani`aadinimo ee ka jirta Soomaaliya ee ka dhalatay abaarta xoogan ee ka jirta dalkaani.

Yusuf AlQardawi ayaa Khudbadii salaada Jimcaha waxa uu ku sheegay in loo baahan yahay in gar gaar muuqda lala gaaro dadka Soomaaliyeed ee u baaba`aya cuno la`aanta iyo biyaha.

Muftigaan dhanka diinta looga dambeeyo ayaa ku booriyay hay`adaha gar gaarka islaamka in gacan muuqata ay u fidiyaan dadka walaalahooda ah ee Soomaaliyeed isaga oo si gaar ah farta ugu fiiqay in talaabadaasi looga fadhiyo Jaamacada Carabta , Ururka Shirweynaha Islaamka iyo Hay`adaha Qaramada Midoobay.

Muftigaan ayaa tibaaxay in wax laga naxo ay tahay sawirada laga soo bandigay Tv-da caalamka ee muujinaya dhibaatada ku habsatay dadka soomaaliyeed taas oo keentay in hay`adaha gar gaarka uu baaq u jeediyo isaga oo hay`ada gar gaarka Qadar iyo hay`ada Sheekh Ciid si gaar ah uga codsaday in barnaamijkaani ay fuliyaan.

Dunida aduun gaaraya Malaayiin lacag ah ayay ugu deeqeen dalka Mareykanka ka dib Duufaantii Kaatriina maxaa iminka looga aamusan yahay dadka abaartu leyneyso ee Soomaaliya sidaa waxaa ku dooday Sh.Yusuf AlQardawi.

Yusuf Alqardawi waxa uu xusay in ay lama huraan ay tahay in gar gaar loo fidiyo dadka soomaaliyeed ee abaartu heyso waxa uuna carabka ku dhajiyay in uu ka shaqeyn doono sidii dadka sadaqada baxsanaya ay u kaalmeyn lahaayeen walaalahooda Soomaaliya.

.

Maxamed Cadde.
RSTV MUQDISHO