Odayaal dhaqameedyo kasoo jeeda gobolka Sanaag ayaa maanta qeylo dhaan aad u ba’an kasoo saaray xaalauf ba’an oo lagu hayo keymaha gobolkaasi ayadoo ganacsato aad u fara badan oo Soomaali ah ay ku howlan yihiin goynta iyo gubida dhirta gobolkaasi ayagoo ka samaynaya dhuxul dabeedna u dhoofiya wadamada carabta qaar ka mid ah.

Baaqan ay soo saareen odayaashagobolka sanaag ayaa waxaalagu sheegay in gobolkaasi ay ka taagan xaalad aad u daran oolagu dhibaataynayo dhirta iyo deegaanka ayagoo sheegay in gobolkaasi 24-kii saac ookasta ay soogalaan kana baxaan gawaari gaareysa 65-75 kuwaasi oo sida dhuxul lagasoo guray dhirta gobolkaasi .

Axmed Xasan Cabdi oo ka mid ah odayaashii maanta baaqa soo saartay ayaa sheegay in 3 kun oo u dhashay Itoobiya gaar ahaan qabiilka Oramadaay iminka goyn iyogubidku hayaan dhirta gobolka Sanag gaar ahaan dhirta magaalooyinka Dhahar iyo Baran waxaana odayaashan ay sheegeen in iminka lama dagaan laga dhigay 800 km^{2 oo gobolada Puntland ka tirsan waxaana sidoo kale ay carabaabeen in baaq horey ay ugudireen maamulkaPuntland ay ku hungoobeen.}

Odayaashan ayaa sheegay in maamulka Puntland oo horey u balanqaaday inodayaashan lagu taageerayo ciidamo iyo qarash ayaan arintaa fulin waxaana iminka odayaashan ay muujinayaan cabsi ballaaran oo ku aadan in aagga xaalufka uu ka socda laga hayaamo.

Laakiin arinta ku aadan in maamulka Puntland uu taageeradii uu u balanqaaday odayaashan aaney fulin waxaa gaashaanka u daruuray gudoomiyaha degmada Baran Maxamed Axmed Cisman oo sheegay in maamulka Puntland uu ugu deeqay ololaha lagula dagaalamayo xaalufinta dhirta lacag gaareysay 35 milyan oo shlin laakiin ay lunsadeen saraakiishii loo soo dhiibay.

Si kastaba ha ahaatee xaalufka lagu hayo dhirta Soomaaliya ayaan ahayn mid ka taagan oo kaliya Puntland ayadoo gobolo fara badan oo Soomaaliya ka tisran uu iminka xaaluf ba’an i ka socdo.