Xubnaha labada gole ee ka soo jeeda gobalada Bay iyo Bakool ayaa ku jira diyaar garow aad u ballaaran oo ku aadan sidii ay u tagi lahaayeen magaalada Baydhaba si ay uga qeyb galaan kulanka baarlamaanka Soomaliya ee dhawaan qabsoomaya.

Xubnahaan ayaa la filiyaa in ay gacan ka geystaan wax ka qabashada amaanka iyo fududeynta qabsoomidsa kulankaasi ayadoo ay usii dheertahay wax ka qabshada nadaafada magaalada Baydhaba.

Wasiirka ariamaha Haweenka ee dowlada KMG Soomaaliya Fowsiyo Maxamed Sheekh kana mid ah xubnaha ka soo jeeda Bakool iyo Bakool ayaa shaaca ka qaaday in xubno ay horkaceyso ay dhawaan u ambabaxi doonaan magaalada Baydhabo si ay gacan uga geystaan dadaalka loogu jiro wax qabashada amaanaka magaalada Baydhaba.

Wasiirada haweenka ayaa waxa ay carabka ku adkeysay in guud ahaan maleeshiyada laga saari doono magaalada Baydhabo lana geyn doono dibada magaalada.

Mar wax laga weydiiyay suura galnimida ciidamo ka socda Itoobiya in la keeno magaalada Baydhabo maadaaama Baydhabo ay ku taallo meel aan sidaa uga fogeyn xadka Soomaaliya iyo Itoobiya ayaa sheegtay in arintaasi aanay ahayn mid qorshaha iminka ku jirta ayadoo meesha ka saartay in arintaasi aaanay ahayn mid suuro geli karta.

Sidoo kale xubno ka tirsan kuwa kasoo jeeda Bay iyo Bakool ayaa lagu soo waramayaa in ay kasoo kicitimaan Nairobi si ay ugu biiraan xubnaha ka qeyb qaadanaya diyaarinta magaalada Baydhabo.

Wasiirada beeraha Shati Gaduud iyo garsoorka Sh Aadan Madoobe ayaa lagu wadaa in Baydhabo ay soo gaaraan saacadaha soo socda ayadoo amaanka magaaladana si weyn loo adkeeyey.

Maxamed Cadde.
RSTV NEWSROOM