Midowga yurub ayaa go’aan ku gaaray wax ka qabashada abaaraha ba’an ee ka taagan wadamada geeska afrika oo Soomaaliya xubin ay ka tahay.

Aduun gaaraya 5 milyan Euro oo u dhiganta 6 milyan doolar ayuu midowga Yurub ugu tala galay wax ka qabashada abaaraha geeska afrika ku dhacaya ee kumanaanka ay ku geeriyoonayaan.

Madaxada xafiiska midowga Yurub ee magaalada Adis ababa gabadha lagu magacaabo Luwis Mikel ayaa daboolka ka qaaday in gaajada iyo macluusha ka jirta geeska afrika ay sii xoogeysan doonto haddii midowga yurub uusan qaadin talaabooyin deg deg ah oo ku aadan in kaalomooyin in la gaarsiiyo dadka abaareysan ee gobolkan ku dhaqan.

Luwis waxa ay intaa raacisayin kaalmadan midwoga Yurub lagu fududeyn doono sidii biyaha la cabo loogu heli lahaa dadkan haraadsan iyo waliba cunooyinkii ay nafta kusii cehsan lahaayeen.

Mas`uulkani ka tirsan midwoga yurub waxa ay hay`adaha gar gaarka ku boorisay in ay qaadaan talaabooyin wax ku ool ah oo wax loogu qabanayo dadka ku abaareysan Soomaaliya ,Kenya iyo Itoobiya ,waxa ayna ka deyrisay xaalada dadkaasi ay iminka ku nool yihiin oo ay sheegtay in aan indhaha laga laaban Karin.

Maxamed Cadde.
RSTVONLINE