Burcad Badeeddii Soomaalida aheyd oo Maxkamad uga Bilaabatey Mombasa Kenya.

Sida ay sheegayaan wararka ka imaanaya wadanka Kenya waxaa magaalada Mombasa ee ku Taalla Xeebta badda Indian Ocean ka billaabatey Maxkamad lagu Qaadayo Dad Soomaali ah tiradoodu Gaareyso 10 qof kuwaasi oo laga soo qabtey Xeebaha Soomaaliya iiyagoo sida la sheegey ku hawlanaa inay Afduub u geystaan Maraakiibta  mareysa Badweynta Indian ocean.

Maxkamadda Nimankaas la saarayo waxaa hawsheeda wada Xeer ilaaliyeyaal Kenyan ah iyadoo lagu soo oogay falal Buracad ah oo ay kula kaceen dad aan  waxba galabsanin oo ahaa Ganacsato iyo Dalxiisayaal iyo waliba shaqaale ka xoogsada Maraakiibta.

Dadkani waxay sheegeen inay yihiin dad aan dambi galin iyadoo  walibana aaney garanayn halka ay hadda Joogaan waxayna codsadeen inay helaan ama loo keeno dad ka socda Dowaladda Somaaliya ee KMG ah sida ay sheegayaan wararka halkaasi kasoo baxaya waxaa laga yaabaa haddii Dambigaas lagu Helo in lagu Xukumo Xabsi Sanooyin badan ah

Xuseen M. Xaaji
RSTV NEWSROOM