Markab kuwa  Rakaabka ah oo laga leeyahay Masar ayaa ku dagey badda Cas.

Markabkan oo ka yimid waddanka Sucuudiga ayna saarnaayeen dad tiradoodu kor u dhaaftey 1400 oo qof waxaa  uu ku soo jeeday Dekadda Safaga oo uu ku soo beegnaa saacadda Masar marka ay tahay 2:00 am ayaa mar kaliya Degay.

Markabkan oo lagu magacaabi jirey Al Salama 98 waxaa saarnaa dad isugu jirey quruumo badan inkastoo dadka badankiis ay ahaayeen Xujey ka reer Masar ah oo kasoo laabtey Xajkii Sanadkan.

Sida ay ku warramayaan Saraakiil reer Masar ahi waxaa ay sheegeen in ilaa hadda la badbaadiyey dad gaaraya 314 Qof. waxaana wali socda baadi doonkii loogu jirey sidii loo heli lahaa dadkale oo Nool iyadoo waliba uu jirey Qabow dhinaca hawada ah iyo Duufanno oo ka socdey Xeebaha Galbeed ee Sucuudiga kaasi oo xaaladda Adkeeyey oo dhibaato ku noqday dadkii gurmadka ahaa ee samatabinayey dadkii Qaraqmay.

Wasiirka Gaadiidka Masaarida mudane Mohamed Lutfi Mansour ayaa sheegey dawladdu inay halkaas u dirtey gurmad xoog leh si loo helo ama loo badbaadiyo dad kale oo nool hase yeeshee wuxuu ka gaabsadey in dawladdiisu ay u baahan tahay Gurmad dibadda uga yimaada.

Xusseen M. Xaaji
RSTV INDIANA,USA

RSTV NEWSROOM