Qaar kamid ah kaluumaysatada Reer Yemen ee ku dhaqan gobolka laga magacaabo Al-xadiida ayaa ka cawday burcad badeeda Soomaalida oo ay sheegeen in ay dhac u gaysataan, kana qaataan raashinka, shidaalka iyo waxyaabaha kale ay wataan kaluumaysatadaas nolol maalmeedkeeda ka raadsata jilaabashada.

Qaar kamid ah kaluumaysatada reer Yemen ayaa u sheegay wargayska Al-ra’yi News ee kasoo baxa dalka yemen burcad badeeda Soomaaliyeed in ay dhac u gaysanayeen bilihii lasoo dhaafay, iyadoo burcad badeedaas ay weerar ku soo qaadeen kuluumaysatadaasi todobaadkiiba laba jeer ama sedex jeer, waxa ayna intaa ku dareen maalmo in ay maqnaanayaan, kadibna ay soo laba kaclaynayaan oo ay boobayaan kaluumaysatada.

Kaluumaysatada reer Yemen ayaa tilmaamay burcad badeedaas hubkooda in ay ku liishaaamaan, isla markaana ay boobaan , waxii ay wataan, waxa ayna kaluumaysatadu tibaaxeen burcadaas in ay ku gurtaan waxa ay dhacaan laashash ay wataan, iyagoo isaga dhaqaajiya kaluumaysatadaas oo aan haysan cuno iyo shidaal ay ku tagaan xeebaha dalka Yemen.

Maxamed Cadde
RSTV MUQDISHO